" BİR NƏSLİN DÖRD FƏSLİ " NİN TƏQDİMATI KEÇİRİLDİ

Tədbir çərçivəsində Azərbaycan Respublikasının Əməkdar müəllimi, yazıçı-publisist Səxavət Tağların “Bir nəslin dörd fəsli” adlı kitabının təqdimat mərasımı oldu. Azərbaycan Yazıçılar Birliyinin Aran bölməsinin sədri Sərvaz Hüseynoğlu, şair və yazıçılardan Valeh Bahaturoğlu, Gülayə, Sədaqət Vəlioğlu, eləcə də AYB üzvü olan Göyçay  yazarları  Aqil Kəngərli,Aydın Kərimov, Azərbaycan Qızıl  Aypara Cəmiyyətinin  Regional Mərkəzinin  Koordinator- direktoru Vilayət Muradlı, Rəsul Rzanın Ev Muzeyi - nin direktoru Solmaz Həsənova və başqaları çıxış edərək təqdim olunan kitabın məziyyətlərindən söz açaraq ,vurğuladılar ki, Rəsul Rza,Nigar Rəfibəyli,Ənvər Məmmədxanlı və Anar hər biri Azərbaycan ədəbiyyatında,poeziyasında,nəsrində parlaq iz buraxmış şəxsiyyətlərdir.Təqdimat mərasimində bu böyük şəxsiyyətlərlə bağlı xatirələr söylənilmiş, məktəblilər Rəsul Rzanın şeirlərindən parçalar səsləndirmişlər.
Yazıçı-pedaqoq Səxavət Tağlar tədbirin keçirilməsinə şərait yaradanlara təşəkkürünü bildirdi. Sonda tədbir iştrakçıları muzeyin ekspanatları ilə tanış oldular.
Həmin gün tədbir iştirakçıları Əli Kərim parkında Əli Kərim, İsgəndər Coşqun və Əli Səmədlinin də qəbrini ziyarət edərək xatirəsini andılar.