MƏDƏNİYYƏT VƏ İNCƏSƏNƏT
2023-07-24
AYB-nin Fəxri Diplomları təqdim edildi.
Bu il Şuşada keçirilən «Vaqif poeziya günləri» çərçivəsində qonaqlara təqdim olunan «Dövri-səda» konsert proqramını və «Vaqif dünyası» ədəbi-musiqili kompozisiyası hazırladıqlarına görə bir qrup incəsənət xadimi Azərbaycan Yazıçılar Birliyinin Fəxri diplomları ilə təltif olunub.
Mükafatlandırma mərasimini giriş sözü ilə açan AYB sədrinin müavini Rəşad Məcid bu il də «Vaqif poeziya günləri»nin yüksək səviyyədə keçdiyini, ədəbi mühit tərəfindən çox bəyənildiyini vurğulayıb. Buna görə tədbirin əsas təşkilatçıları olan Heydər Əliyev Fonduna və Mədəniyyət Nazirliyinə xüsusi təşəkkürünü bildirib.
AYB sədri, Xalq Yazıçısı Anar da «Vaqif poeziya günləri»ndəki bədii-musiqili tədbirləri hazırlayan incəsənət xadimlərinə minnətdarlığını bildirib və bəstəkar Vüqar Camalzadəyə, bəstəkar Azər Hacıəsgərliyə, rejissor Bəhruz Vaqifoğluna, aktyor Azad Şükürova Azərbaycan Yazıçılar Birliyinin Fəxri diplomlarını təqdim edib.
Sonda bütün qonaqlar xatirə fotosu çəkdiriblər.
27 iyul. Bakı.
