QISA FİKİRLƏR XƏZİNƏSİ

 
                                                       
   
 

 

 

 
 
 
 
Artur ŞOPENHAUER
(1788–1860) görkəmli alman filosofu və mütəfəkkiri
 
–       Bütün böyük zəkaların tənhalıqdır qisməti.
– Canavarların bir vaxt bədənimi parçalayacağı fikrinə dözə bilirəm, amma fəlsəfə professorlarının mənim fəlsəfəmi gəmirdiklərini düşünmək canıma titrətmə salır.
– Dahi ilə divanə arasında oxşarlıq odur ki, hər iki­­si adi adamlardan fərqli olaraq, tamam başqa bir aləm­­lə yaşayırlar.
– Dünyanın ən yoxsul insanı puldan-paradan başqa heç nə­yi olmayandır.
– Düşüncələr sözlərə çevrildiyi anda ölür.
– Əlimizdə olanları ara-sıra düşünərik, olma­yan­la­rı isə həmişə...
– Əzab çəkənlərlə əzab çəkdirənlər eynidir.
– Fəlsəfəmdən əsla qazancım olmadı, ancaq necə itkilərdən qurtardı o məni.
– Fəlsəfənin ilhamçısıdır ölüm...
– Fərqli düşünmək bir divanəlikdi, bədbəxtliyə aparır.
– Doğuluşdan gələn bir yanlışımız var xoşbəxtlikçün doğulduğumuza özümüzü inandırmağımız.
– Heyvanlara qarşı mərhəmətsiz biri yaxşı insan ola bilməz.
– Həyatımı onu düşünərək keçirməyə qərar verdim.
– İnsan oğlu məndən heç unuda bilməyəcəyi bir neçə şey öyrəndi.
– İnsanların qədər dedikləri çox vaxt elə öz-özlərinin başlarına açdıqları axmaqca oyunlardır.
– Kitablar olmasaydı, uzun zaman öncə ümidsizlik içində batıb gedərdim.
– Tənhalığı sevməyən, azadlığı da sevmir, axı yal­nız tənhaykən azad olmaq mümkündür.
– Mən qələbəliklər üçün yazmadım...
– Məncə, insanlığın yüksəlişinə bir də o mane olur ki, adamlar ağıllı danışanı deyil, yüksək səslə dan­ı­şanı eşidirlər.
– Nə ki geniş kütlənin diqqətini bir anda çəkir, onu heç vaxt oxumamalı.
– Sərvət dəniz suyuna bənzər; nə qədər çox içərsən, yanğın da bir elə ar­tar.
 
 
Nikolay BERDYAYEV
(1874–1948) rus filosofu
 
– Biz Tanrıya qarğış yağdıranda cəhənnəm olur, da­ha O bizə qarğıyanda yox, Tanrı heç vaxt qar­ğı­maz.
– Əgər Tanrı yox isə, insan da yoxdur.
– İnsan kölədir, ona görə ki, azadlıq çətindir, köləlik i­sə asan.
– Qoy həyatın mənasını bilməyim, fəqət həyata an­lam verir mənasının axtarılmağı.
– Müdrikliyə yetə bilmədinsə, qalır müdrikliyi sev­mə­yin, yəni filosof olmağın.
– Nəyisə nə bahasına olur-olsun eləmək istəyindən də pis heç nə yoxdur.
– Ölüm cəzası dövlətin Tanrıya qarşı zorakılığıdır.
– Psixoanaliz ruhu olmayan psixologiyadır.
– Tanrı haqda kölə düşüncələrin intiqamıdır qatı allahsızlıq.
 
   
Martin HAYDEGGER
(1889–1976) alman mütəfəkkiri, XX əsrin ən böyük filosoflarından biri
 
– Ali dəyərlərin çöküşü mənasız və dağıtmağa yö­nəl­miş yeniləşmə ehtiraslarından baş verib.
– Bizi qurtarsa, bir Tanrı qurtara bilər.
– Fəlsəfəylə poeziya əks ucalıqlarda dayanırlar, fəqət anlatdıqları bir-birinin eynidir.
– “Haydegger” imzasıyla olmasaydı, kimsə bu gün mənim heç hansı kitabımı oxumazdı.
   
 
Vasili NALİMOV
(1910–1997) tanınmış rus riyaziyyatçı alimi və filosofu
 
– Bilmək gərək ki, Yaradılış Sirrə qərq olmuşdur o sirri açmaq olmaz, buna cəhd eləməyə də lüzum yoxdu. Yalnızca onu qəbul etmək gərək.
– “Dünyanı kim yaradıb?” artıq bu, sual yox, eh­kam­dır.
– Dünyanın sirləriylə təmas bizi romantiklərə çe­virir.
– Mən bir tək azadlığa səcdəyə gəlirəm.
– Nədən dünyamız bir belə qəddardı?.. Nə zaman­sa bu sirri də aça biləcəyikmi?
 
   
Yuri LOTMAN
(1922–1993) — rus ədəbiyyatşünası, kulturoloq və semiotik
 
– Az bilənçün, ondan da betər az düşünənçün çox danışmaq o qədər asandır ki... Nə qədər çox bilirəm, o qədər şübhəm artır...
– Mədəniyyət yasaqlardan başlayır.
– Vicdanlı və düşünən bir insançün asan dövr ola bilməz, olmayacaq da.
– Yaşadığımız dünya dəyərli, gərəkli nə varsa, ha­mı­sını getdikcə daha çox, üstəlik ən ucuz qiymətə almaq istəyir. Həqiqətsə əziz, müqəddəs olanın qur­ban verilməsi bahasına əldə edilir.
 
   
Xorxe Anhel LİVRAQA
(1930–1991) italyan əsilli filosof
 
–Arzuları öldürməkdən də böyük cinayət yoxdur.
– Biz insanıq... ona görə ki, ruhumuz var, ona görə ki, Allaha inanırıq.
– Böyük fikirlərin yaşandığı bir cəmiyyətdə tənha olmaq olmaz.
– Bütün doğrular və bütün həqiqətlər ağılla da, ürəklə də uyum içində olur.
– Çətin olanla dəyərli olan arasında əsrarəngiz bir bağ vardır.
– Həqiqəti sadəcə axtarmaq azdır, onu tapmaq gərək.
– İdeal yoxdursa, fəlsəfə də yoxdur.
– İnsanın çörəkdən də qat-qat artıq ləyaqətə ehti­ya­cı var.
– Qoy heç kimsə özünü tənha və zavallı bilməsin, çünki varlığında Tanrıdan zərrə daşıyan bir kəs nə yalqız, nə də zavallı ola bilər.
– Təbiətin qanunlarına heç vaxt müqavimət göstərməyin...
 
 
    Yulian TUVİM
(1894–1953) böyük polyak şairi və yazıçısı
 
– Dünyada, Allah bilir, nə baş verir! Əvvəllər heç vaxt ölməyən adamlar indi başlayırlar ölməyə.
– Elə yaşamaq lazımdır ki, öz tutuquşunu şəhərin ən sözgəzdirən qadınına satmaqdan qorxmayasan.
 
 
Arif Nihat ASYA
(1904–1975) türk “bayraq şairi”
 
– Aramızdakılardan biri körpü olmağa razılıq verməsə, qiyamətəcən elə bu çayın qırağındaca gözləməli olacağıq.
– İşığın ardınca get! Kölgən arxanca istər gəlsin, istər gəlməsin!
– Ölülərin çənəsini bağlayırlar ki, burda gördüklərini orda danışmasınlar.
 
 
    Karlos KASTANEDA 
(1925/31–1998) amerikan yazıçısı, antropoloq, etnoqraf və mistik
 
– Atdığı hər addımı yer üzündə özünün son döyüşü kimi görən kəsin gücü qarşısında güc dayanmaz.
– Bu gözəl dünyada belə də gözəl zamanda yaşadığınçün cavabdehlik daşıman gərək.
– Düşün ki, heç vaxtın qalmayıb. Yalnız bu yolla addımına əsl güc qazandırarsan. Əks halda hər addımını qorxa-qorxa, qətiyyətsiz atacaqsan.
 
   
Qabriel LAUB
(1928–1998) aforizmləri ilə məşhur çex-alman yazıçısı
 
– Arxeoloqlar yerin altından siyasətçilərin dəfn elədiyi tarixi qazıyıb üzə çıxarırlar.
– Ən təhlükəsiz yollar o yollardır ki, heç hara aparmır.
– Milyonların gücü sıfırlardadır.
– Peyğəmbərlərə abidəni elə onlara atılan daşlardan da düzəldirlər.
   
 
Umberto EKO
[1932–2016] italyan alimi, filosofu, yazıçı və mədəniyyətşünas
 
– Doktor Freyd öz nəzəriyyələriylə Əski və Yeni Dünyanın milyonlarla insanını nevrasteniya halına gətirdi.
 
   
Təqdim edən: C.Məmmədov