Kənan İSMAYIL
Şeirlər

 

 

 

 

SUSMA, TANRIM

Tanrım,

Nitsşe yalan deyir,

ölməmisən,

sən dirisən!

Sən yarpaqsız ağacların,

saçsız qadınların

ümid yerisən...

 

Amma sən susduqca –

sinəm üstə

qadın saçları,

başım üstə

sənin yoxluğunu hiss edirəm...

Pozub əllərimin bəkarətini,

dua edirəm;

"Ey Yusifi o quyudan çıxaran Tanrım,

ağacları payızdan,

qadınları xərçəngdən,

sağ çıxar,

sağ çıxar..."

 

DİZLƏRİNƏ VƏTƏN DEDİM

Dodaqlarım alnında,

gözlərim əllərində,

nəfəsim saçlarında yuva qurub.

Yaxınların uzaqlığından,

adamların soyuqluğundan

qaçıb sənə gəlmişəm...

Bədənini yorğan elə üstümə...

 

Qaçıb tənha gecələrdən,

keçib doğma küçələrdən,

dizlərinə vətən dedim.

Dizlərini dərman elə dərdimə...

 

Kaş dizlərində qocalardı saçlarım,

payızda qocalan yarpaq misalı...

İndi hey dizlərinə qaçır baş ağrılarım...

Ağrılarımı da götürüb,

dizlərinə gəldim,

gəldim sağaldasan məni...

 

ALİBİ

Bir qadın yarat, İlahi,

Sol çiynində mələk olmasın.

Torpaqdan yox,

Savaşdan yarat, İlahi...

 

Bir qadın yarat, İlahi,

Duaları sənin olsun,

Saçları mənim